" Ailə üzvüm Azərbaycanı sevib " - Robert Sekuta

20:11     26 Mart 2018

"Azərbaycanda fəaliyyətim müddətində ən yadda qalan məsələ əlaqələrin yaxşılaşdırılması və inkişaf etdirilməsi olub".

Femida.az-ın məlumatına görə, bu sözləri yaxın günlərdə Azərbaycanı tərk edəcək ABŞ səfiri Robert Sekuta deyib.

O bildirib ki, diplomatik sahədə həmişə nə qədər iş görülsə də, daha çox işə imkan var: "Hər iki xalqın bir-birini daha yaxşı anlaması və daha yaxşı əməkdaşlıq etməsini görmək mümkündür. Mənim hər bir ailə üzvüm Azərbaycanı sevib, bağlanıb. Biz mütləq Azərbaycana başqa qisimdə gələcəyik. Üç ildə ikitərəfli münasibətlərin inkişafında rolu olan bir şəxs kimi, bu münasibətlərin inkişafı məni yaxından maraqlandırır".

Səfir gələcək planlarının nə olacağı ilə bağlı suala da cavab verib: "Görüləsi işlər çoxdur. Baxıb, götür qoy edib, hansı işlərlə məşğul olmaq mümkündürsə, onunla məşğul olacağam".

Femida.az

Açar sözlər: #ABŞ   #Sekuta  

Oxunub: 612